ഒറ്റ ദിവസം കൊണ്ട് കാവ്യ പ്രശസ്തയായി
അഭിനയപ്രധാനമായ
നിരവധി കഥാപാത്രങ്ങൾക്ക്
വെള്ളിത്തിരയിൽ ജീവൻ നൽകിയ
കാവ്യാമാധവൻ
വീണ്ടും അത്തരത്തിലൊരു
കഥാപാത്രവുമായെത്തുകയാണ്.
മിഴിരണ്ടിലും, ഗദ്ദാമ,
പെരുമഴക്കാലം,
ഭക്തജനങ്ങളുടെ ശ്രദ്ധയ്ക്ക്
എന്നീ ചിത്രങ്ങളിൽ
സവിശേഷമായ
അഭിനയശൈലിയാൽ
അവതരിപ്പിച്ച
കഥാപാത്രങ്ങളെ
മികച്ചതാക്കിയിരുന്നു കാവ്യ.
അഭിനയത്തെപ്പറ്റിയുള്ള
തന്റെ കാഴ്ചപ്പാടുകളെ
മാറ്റിമറിച്ചതിൽ ഈ
ചിത്രങ്ങൾക്കുള്ള
പങ്കിനെപ്പറ്റിയും പലപ്പോഴും
കാവ്യ സംസാരിക്കാറുമുണ്ട്.
എന്തായാലും കാവ്യയിപ്പോൾ
സന്തോഷവതിയാണ്.
ഒരിടവേളയ്ക്ക്
ശേഷം മികച്ചൊരു
കഥാപാത്രത്തെ
അവതരിപ്പിക്കാനവസരം
ലഭിച്ചതിന്റെ ത്രില്ലിലാണ്
കാവ്യാമാധവൻ.
'എന്റേതല്ലാത്ത കാരണത്താൽ'
എന്ന ചിത്രത്തിലാണ് കാവ്യ
മുഴുനീളസ്ത്രീകഥാപാത്രത്തെ
അവതരിപ്പിക്കുന്നത്.
നായികയെ കേന്ദ്രീകരിച്ചുള്ള
ആഖ്യാനമാണ് ചിത്രത്തിന്റെ
സവിശേഷതകളിലൊന്ന്.
കുടുംബപശ്ചാത്തലത്തിൽ പറയുന്ന
സിനിമയിൽ
അത്യന്തം നിറഞ്ഞുനിൽക്കുന്ന
വേഷമാവും കാവ്യയുടേതെന്നാണ്
സൂചന.
ഒരു സാധാരണക്കാരിയായ
വീട്ടമ്മയായിട്ടാണ് കാവ്യ ഈ
ചിത്രത്തിൽ
പ്രത്യക്ഷപ്പെടുന്നത്.
അടുക്കളയും വീടുമാണ്
തന്റെ ലോകം എന്ന്
വിശ്വസിച്ച് കഴിയുകയാണ്
കാവ്യയുടെ കഥാപാത്രം. എന്നാൽ
ഒരു പ്രത്യേകസാഹചര്യത്തിൽ
കാര്യങ്ങൾ കീഴ്മേൽ
മറിയുകയാണ്. ഒരു പ്രശ്നത്തിൽ
ഇടപെടേണ്ട
സാഹചര്യമുണ്ടായതാണ്
ഇതിനിടയാക്കുന്നത്. ഇത്
ഇവരെ പ്രശസ്തയാക്കുന്നു.
ഒറ്റദിവസം കൊണ്ട്
ലോകമെമ്പാടുമുള്ള മലയാളികൾ
ചർച്ച ചെയ്യുന്നൊരാളായി ഈ
സാധാരണ വീട്ടമ്മ മാറുകയാണ്.
ഇതേത്തുടർന്നുണ്ടാകുന്ന
രസകരമായ
സംഭവപരമ്പരകളിലൂടെയാണ്
എന്റേതല്ലാത്ത
കാരണത്താലെന്ന സിനിമ
മുന്നോട്ടു ചലിക്കുന്നത്.
സകുടുംബം ശ്യാമളയെന്ന
ചിത്രത്തിന് ശേഷം രാധാകൃഷ്ണൻ
മംഗലത്ത് സംവിധാനം ചെയ്യുന്ന
വാണിജ്യസിനിമയാണ് ഇത്.
നാടോടിമന്നന്റെ വിജയത്തിന്
ശേഷം കൃഷ്ണ പൂജപ്പുര കഥ,
തിരക്കഥ,
സംഭാഷണം നിർവഹിക്കുന്ന
ചിത്രമാണിത്.
ലളിതവും സരസവുമായ
രചനാശൈലി
അവലംബിച്ചിരിക്കുന്ന
തിരക്കഥയിൽ നായകനാവുക
വിജയ് ബാബു ആയിരിക്കും,
ഫിലിപ്സ് ആൻഡ് മങ്കിപെൻ,
എസ്ക്കേപ്പ് ഫ്രം ഉഗാണ്ട
എന്നീ ചിത്രങ്ങളിൽ വിജയ്
ബാബു ശ്രദ്ധേയ
കഥാപാത്രങ്ങളെ
അവതരിപ്പിച്ചിരുന്നു.
മങ്കിപെന്നിലൂടെ പ്രേക്ഷകരുടെ
പ്രിയങ്കരനായ മാസ്റ്റർ
സനൂപും ചിത്രത്തിൽ ഒരു പ്രധാന
കഥാപാത്രത്തെ
അവതരിപ്പിക്കുന്നുണ്ട്.
പുലിയൂർക്കോട്
ഫിലിംസിന്റെ ബാനറിൽ പ്രസാദ്
കുമാർ നിർമ്മിക്കുന്ന
ചിത്രം ഏപ്രിൽ 25ന്
ചിത്രീകരണം ആരംഭിക്കും.
Comments
Post a Comment